Sekretari Amerikan i Shtetit, Antony Blinken, ka mbërritur në aeroportin ndërkombëtar “Nënë Tereza”, në Tiranë.
Blinken në aeroport u prit nga ministri i Jashtëm Igli Hasani, nën masa të rrepta sigurie, me ç’rast disa rrugë të Tiranës janë bllokuar.
Sipas agjendës se publikuar nga DASH Blinken, do të takohet me presidentin Bajram Begaj dhe me kreun e qeverisë Edi Rama.
Në axhendë nuk shihet që Blinken, do të zhvillojë një takim me kreun e SPAK Altin Dumani, ashtu siç është pretenduar në media.
Agjenda:
Ora 13:35: Blinken zhvillon një takim dhe përshëndetet me punonjësit e Ambasadës Amerikane në Tiranë
Ora 14:15: Blinken takohet me aplikantët afganë për vizë emigruese speciale në Tiranë, Shqipëri.
Ora 15:05: Blinken takohet me Presidentin shqiptar Bajram Begaj në Tiranë, Shqipëri.
Ora 15:35: Blinken mban fjalime në një aktivitet të të rinjve dhe të diplomuarve me temë “ Festojmë të ardhmen e marrëdhënieve SHBA-Shqipëri” në Tiranë, Shqipëri.
Ora 16:15: Blinken takohet me kryeministrin shqiptar Edi Rama në Tiranë, Shqipëri.
Ora 17:55: Blinken merr pjesë në një ceremoni nënshkrimi për një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi mbi Kuadrin për Kundër Manipulimit Informativ të Shtetit të Huaj në Tiranë, Shqipëri.
Ora 18:10: Blinken dhe kryeministri shqiptar Edi Rama mbajnë një konferencë të përbashkët shtypi në Tiranë, Shqipëri.
/TV Arbëria
