Presidentja e vendit, Vjosa Osmani, gjatë qëndrimit në Shtetet e Bashkuara të Amerikës, ka qenë pjesë e një diskutimi edhe në organizatën “World Affairs Council” në Dallas.
Siç ka njoftuar presidentja Osmani, aty ka diskutuar për rrugëtimin e Kosovës dhe zhvillimet në vend në dritë të dinamikave sfiduese globale.
Ajo ka thënë se Serbia po punon kundër gjithçka që SHBA-ja ka bërë në rajon.
“Kosova është sot storie suksesi e mbështetjes së SHBA-ve, teksa Serbia me miqtë e saj po duan të godasin vlerat e etabluara nga mbështetja amerikane duke punuar kundrejt gjithçkaje që kanë bërë SHBA-të në rajonin tonë”, ka shkruar Osmani në Facebook.
Osmani ka theksuar se garantimi i sigurisë në Kosovë është garancë për sigurinë në Evropë.
“Prandaj, angazhimi dhe mbështetja e vazhdueshme për garantimin e sigurisë në Kosovë dhe në rajon, është garancë për siguri në tërë kontinentin evropian, por edhe në SHBA, po ashtu”, ka shkruar Osmani.
Postimi i plotë:
