Presidentja e Kosovës, Vjosa Osmani, ka pritur në takim të dërguarin amerikan për Ballkanin Perëndimor, Gabriel Escobar.
Mediet u lejuan të marrin pamje vetëm në fillim të takimit, derisa nga zyrtarë të presidencës u bë e ditur se nuk do të ketë deklarata për medie pas takimit.
Bashkë me Ecobar në Kosovë ka qenë e paraparë të vjen të hënën edhe këshilltari i lartë i Departamentit amerikan të Shtetit, Derek Chollet, mirëpo, siç u raportua ai ka anuluar vizitën në Kosovë për arsye të infektimit me COVID 19.
Pas takimit me presidenten Osmani, Escobar do të takohet edhe me kryeministrin Albin Kurti.
Qëndrimi i Escobar në Kosovë vjen në periudhën kur në veri janë bllokuar rrugët nga serbët lokal atje./TV Arbëria
