Kreu i agjencisë së OKB-së për refugjatët palestinezë (UNRWA) përsëriti thirrjet urgjente për një armëpushim midis Izraelit dhe Hamasit, duke paralajmëruar kundër “zhvendosjes së re të detyruar” dhe “ankthit të vuajtjeve të pafundme” në mesin e banorëve të Gazës, raporton CNN.
“Një ofensivë ushtarake izraelite do të çojë në një shtresë shtesë të një tragjedie tashmë të padurueshme për njerëzit në Gaza”, postoi komisioneri i përgjithshëm i UNRWA, Philippe Lazzarini, të hënën në X.
“Ajo që nevojitet është një armëpushim” shtoi ai.
Kjo erdhi pasi negociatat për një armëpushim dhe lirimin e pengjeve edhe një herë ngecën, dhe ndërsa Izraeli kërcënoi me një ofensivë në qytetin jugor të Rafahut, ku më shumë se 1 milion palestinezë janë mbledhur gjatë bombardimeve të Izraelit në Gaza.
