6 maji, data e lindjes së heroit tonë kombëtar Gjergj Kastrioti – Skendërbeut, në Prishtinë do të shënohet me një manifestim madhështor në qendër të kryeqyetit.
Për nder të 619 -të vjetorit e tij, në sheshin Skendërbeu në Prishtinë nga ora 13:00, do të mbahet manifestim i cili u organizua nga “Korporata Kryeziu” dhe “Organizata Shqiptaria“.
Në këtë ditë është bërë e ditur, që do të marrin pjesë shumë këngëtarë të njohur, në mesin e tyre Shkurte Fejza, Shaqir Cerrvadiku, Nikollë Nikprelaj, e shumë artistë të tjerë, të cilët do të performojnë me rastin e kësaj dite.
Organizata Shqiptaria bënë thirrje për pjesëmarrje në këtë manifestim, nesër në sheshin Skendërbeu.
“Ju të gjithë jeni të mirëpritur të bashkoheni në këtë ceremoni emocionuese për të shprehur respektin, admirimin, dhe dashurinë tuaj ndaj një nga figurat më të shquara të historisë sonë kombëtare”, ka shkruar Organizata Shqiptaria. /TV Arbëria
