Një aksident trafiku ka ndodhur në rrugën Fushë Kosovë – Prishtinë, ku si pasojë kanë pësuar lëndime trupore katër pasagjerë të autobusit
Të përfshir nëaksident janë një veturë dhe një autobus
Rastin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 18:30 kemi pranuar informatën se në rrugën Fushë Kosovë-Prishtinë , ka ndodhur një aksident trafiku. Në këtë aksident kanë qenë të përfshira, dy automjete (një veturë dhe një autobus) të cilat kanë qenë në lëvizje. Si pasojë e aksidentit lëndime trupore kanë pësuar katër persona (pasagjerë në autobus)”, ka thënë Ahmeti.
Ndërsa, sipas zëdhënëses Ahmeti, me rastin po merret hetuesia nga njësiti i trafikut rrugor.
