Vitia ka thënë se për të monitoruar këtë ligj, do të punësohen 44 inspektorë.
Në konferencë për media pas mbledhjes së Qeverisë, Vitia tha se në ligjin për rregullimin e çmimeve të barnave, janë marrë direktiva të vendeve të Bashkimit Evropian.
“Sapo miratuam projektligjin për çmimin e barnave. Për këtë nismë është punuar gjatë në MSH, janë studiuar direktivat e vendeve të BE-së që të krijohet një formë më e mirë për vendin tonë. Përfituesit e këtij ligji janë drejtpërdrejt qytetarët, të cilët janë përballur me çmime të larta. Jemi duke punuar që ky raport të përmbyset një herë e mirë. Ky projektligj plotëson politikën tonë për mbrojtën e qytetarëve. Ligji do të mundësojë evitimin e çmimeve të ndryshme për produktet identike. Ky ligj do të parandalojë edhe blerjen me çmime të larta të barnave nga institucionet shëndetësore. Një nga premtimet edhe në fushatën tonë ka qenë trefishimi i inspektoreve. Janë paraparë edhe 44 inspektorë shëndetësorë që do ta monitorojnë zbatimin e këtij ligji”, tha ai.
/TV Arbëria
LEXO EDHE:
Vitia: OShP-ja është dashur t’i adresojë vendimet për blerje të insulinave pa autorizim, s’e ka bërë
