Trajneri i Milanit Stefano Pioli beson se Milani mund ta përmbys Interin në ndeshjen kthyese të Ligës së Kampionëve pas humbjes 2-0 në sfidën e parë në “San Siro”.
Ai ka thënë pas ndeshjes se skuadra e tij bëri paraqitje të mirë, sidomos në pjesën e dytë, por që Interi bëri diferencës duke shënuar dy gola.
Edin Dzeko dhe Henrikh Mkhitaryan ia siguruan Interin fitoren me dy golat e tyre të shënuar brenda 11 minutave të para të ndeshjes.
“Fakti është se Interi luajti më mirë në pjesën e parë dhe shënoi dy gola, Milani luajti më mirë në pjesën e dytë dhe nuk shënoi. Ky është futbolli në këtë nivel. Interi kishte më shumë cilësi dhe ishte më efikas në pjesën e parë, ndërsa ne bëmë shumë gabime për këtë nivel”, tha Pioli fillimisht.
“Deri në minutën e shtatë, Interi nuk kishte hyrë asnjëherë në zonën tonë të penalltisë dhe më pas shënoi në mundësinë e parë. Është e qartë se duhet të ishim më të përqendruar. Ne donim një rezultat ndryshe, por duhet të vazhdojmë të besojmë, sepse një moment mund të ndryshojë gjithçka në ndeshjen e dytë”, shtoi ai.
Ndeshja e kthimit zhvillohet të martën në mbrëmje, por meqë rregulli i golave si mysafir nuk zbatohet më, fitorja e Milani me dy gola epërsi do ta çonte ndeshjen në vazhdime.
“Ne patëm shanset në pjesën e dytë, kështu që natyrisht në ndeshjen e dytë na duhet më shumë cilësi dhe një qëndrim më agresiv. Duhet të ngremë standardin dhe të luajmë nga fillimi me diçka shumë më afër paraqitjes së pjesës së dytë. Djemtë e dinë mirë se kjo nuk ishte performanca apo rezultati që dëshironim, ata janë të zhgënjyer, por e dinë që ne kemi ende një shans për ta kthyer atë.”
Pyetja e madhe është në mënyrë të pashmangshme rreth Leaos, i cili ka një problem muskulor dhe shpreson të kthehet për ndeshjen e dytë.
“Do ta shohim. Ai nuk ishte në asnjë gjendje për të luajtur sot, kanë mbetur gjashtë ditë dhe shpresojmë që ai të jetë gati”, tha Pioli në fund.
/TV Arbëria
