Sipas saj, kësaj radhe ajo është ndaluar nga shërbimi sekret serb, BIA, derisa ishte duke u kthyer në Serbi.
“Erdhi një i ri rreth të 20-ve dhe tha se ishte nga BIA. Ai nuk prezantohet, nuk më merr në pyetje, nuk më tregon arsyen pse jam ndalur, por më thotë se ka vetëm një urdhër që të mos më japë dokumentet. Natyrisht, ai erdhi vetëm për të justifikuar qëndrimin tim të paligjshëm këtu për më shumë se 5 orë tani”, ka shkruar ajo në llogarinë e saj në Tëitter.
Nga momenti kur ajo e ka bërë njoftimin e parë, tashmë janë bërë më shumë se 12 orë pritje për të.
“Mirëmëngjesi. Që prej orës së njëmbëdhjetë, pa shpjegim dhe arsye, jam duke qëndruar në vijën administrative, ku më janë konfiskuar dokumentet në mënyrë antikushtetuese dhe të paligjshme dhe më është penguar liria e lëvizjes”, ka shtuar ajo.
Trajkoviq të enjten është ndaluar nga policia serbe edhe gjatë hyrjes së saj, pasi kishte një takimin me ambasadorin amerikan Jeff Hovenier. /TV Arbëria
