Italia do të ketë pesë skuadra që do të garojnë në edicionin 2024-25 të Ligës së Kampionëve, pasi Roma dhe Atalanta kaluan në gjysmëfinale të Ligës së Evropës të enjten mbrëma, ndërsa Fiorentina rezervoi vendin e saj në katër më të mirët e Ligës së Konferencës.
Roma arriti në një fitore në total prej 3-1 ndaj Milanit të Stefano Piolit, ndërsa Atalanta mundi Liverpoolin e Jurgen Klopp me të njëjtën diferencë në dy ndeshje. Fiorentina mundi Viktoria Plzen me rezultat 2-0 pas vazhdimeve.
Edicioni 2024/2025 i Ligës së Kampionëve do të ketë 36 klube në vend të formatit aktual prej 32 skuadra.
Në mënyrë që kjo të ndodhë, një skuadër italiane do të duhet të fitojë Ligën e Evropës dhe, më e rëndësishmja, të përfundojë sezonin e Serie A jashtë top katërshes.
Kjo do të thotë se Roma ose Atalanta, të cilët janë në garë, aktualisht janë në vendin e pestë dhe të gjashtë në Serie A./Telegrafi