Policia e Kosovës ka sekuestruar dy armë zjarri, të cilat ishin përdorur gjatë festimit të Vitit të Ri, më 1 janar 2024.
Sipas njoftimit, armët janë sekuestruar nga zyrtarët policorë të stacionit Veriu në Prishtinë, në dy raste të ndara.
“Hetuesit policor pas identifikimit të personave të dyshuar në koordinim me prokurorinë, kanë kryer kontrolle në dy lokacione (në fshatin Grashticë dhe në rrugën Mihail Grameno në Prishtinë), ku kanë gjetë dhe sekuestruar dy armë zjarri”, thuhet në njoftimin për media.
Ndaj personave të dyshuar është iniciuar rast për veprat “Mbajtje në pronësi, kontroll apo posedim i paautorizuar i armës si dhe përdorim i armës”.
“Të njëjtit dyshohet të kenë shtënë me armë rreth orës 00:00, me datën 01.01.2024”, bëhet e ditur mes tjerash.
/TV Arbëria
