Rusia ka njoftuar se do të lëvizë sistemet raketore të afta për të mbajtur armë bërthamore në kufirin e saj me Finlandën.
E përditshmja pro-Kremlinit Izvestia raportoi javën e kaluar se Ministria ruse e Mbrojtjes kishte formuar një brigadë të veçantë raketore në republikën ruse të Karelia me sisteme Iskander-M, të cilat mund të lëshojnë raketa konvencionale dhe bërthamore.
Rusia e quajti provokues vendimin e Finlandës për t’u anëtarësuar në NATO, të ndjekur nga pranimi i Suedisë. Iskander konsiderohen si pjesa qendrore e Qarkut Ushtarak të Leningradit të sapokrijuar të Rusisë (LMD), i cili u krijua si përgjigje ndaj anëtarësimit të Helsinkit në NATO.
Gjeneralmajor Harri Ohra-aho, ish-drejtor i agjencisë së inteligjencës ushtarake të Finlandës, komentoi këtë veprim.
“Nëse kjo bëhet e vërtetë, nuk do të ndryshojë asgjë”, shkroi ai në X. “Në çdo rast, ne duhet të mbrohemi nga raketat Iskander”, tha ai, duke shtuar se raketa të tilla tashmë janë vendosur në jug të Shën Petersburgut.
Operacionalisht, duket absurde që sistemet raketore me një rreze kaq të gjatë t’i afrohen kufirit tonë, ato janë objektiva të lehta për ne,” shtoi ai.
