Policia e Kosovës në kuadër të javës së aktiviteteve sipas planit ROADPOL (Rrjeti Evropian i Policive Rrugore), ka shtuar prezencën dhe kontrollin për afatin kohor nga data 11 deri me 17 mars.
Policia ka bërë të ditur se përmes këtij aktiviteti ka rritur sigurinë në trafikun rrugor dhe parandalimin e aksidenteve duke pasur në fokus kontrollin e përdorimit të rripit të sigurisë.
Në këtë plan janë realizuar 1,534 pika të kontrollit të mjeteve dhe janë kontrolluar 5,974 mjete ku ndaj shoferëve dhe pasagjerëve që janë hasur pa rrip të sigurisë janë shqiptuar 1,245 gjoba.
Njoftimi i plotë i Policisë:
Realizimi i aktiviteteve operacionale sipas planit ROADPOL për muajin Mars 2024 – “Kontrolli i përdorimit të rripit të sigurisë”
Në kuadër të javës së aktiviteteve sipas planit ROADPOL 2024 (Rrjeti Evropian i Policive Rrugore), që është realizuar nga data 11 deri 17 Mars 2024, policia ka shtuar prezencën dhe kontrollin në të gjitha rrugët e vendit me qëllim të rritjes së sigurisë në trafikun rrugor dhe parandalimin e aksidenteve, ku në fokus ka pasur kontrollin e përdorimit të rripit të sigurisë, me ç’rast nga njësitë e trafikut të angazhuara në këtë plan janë realizuar 1,534 pika të kontrollit të mjeteve dhe janë kontrolluar 5,974 mjete ku ndaj shoferëve dhe pasagjerëve që janë hasur pa rrip të sigurisë janë shqiptuar 1,245 gjoba.
/TV Arbëria
