Presidentja Vjosa Osmani ka takuar sot Delegatin Apostolik të Selisë së Shenjtë për Kosovën, nuncin Jean Marie Speich, me të cilin ka biseduar për raportet dhe mundësitë e bashkëpunimit të ardhshëm mes Kosovës dhe Vatikanit.
Osmani ka mirëpritur gatishmërinë e Selisë së Shenjtë që t’i ofrojë Kosovës prani të përhershme në Vatikan nëpërmjet Misionit të Posaçëm të Kosovës.
“Themelimi i misionit është rezultat i angazhimit tonë të përbashkët për afrimin e vendeve tona dhe thellimin e bashkëpunimit të përbashkët për paqe”, tha ajo.
Në mënyrë të veçantë presidentja falënderoi Speich për angazhimin e tij për përparimin e vazhdueshëm të raporteve mes Selisë së Shenjtë dhe Kosovës.
“Kosova ka traditë të gjatë të bashkëpunimit më Selinë e Shenjtë dhe ne jemi të përkushtuar që këtë traditë të mirë të bashkëpunimit ta thellojmë edhe më tej,” tha Osmani.
Ndërsa, Delegati Apostolik i Selisë së Shenjtë ka mirëpritur themelimin e Misionit të Kosovës në Vatikan si një hap të rëndësishëm për raportet mes dy vendeve.
Ndryshe, presidentja Osmani në janar të këtij viti ka dekretuar hapjen e Misionit të posaçëm të Kosovës në Vatikan.
<iframe src=”https://www.facebook.com/plugins/post.php?href=https%3A%2F%2Fwww.facebook.com%2FPresidencaRKS%2Fposts%2Fpfbid02ACPDTiNYheGPtvHMbJfqZLS1RQb8xQJjiySPUUPjHaGyEmF4zgmqXtLAWkrDYTSil&show_text=true&width=500″ width=”500″ height=”572″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
