Kompania e Kosovës për Distribuim të Energjisë Elektrike në Kosovë-KEDS, sot ka informuar se erërat e forta, të përcjellura me reshje shiu, që kanë përfshirë një pjesë të konsiderueshme të vendit, kanë shkaktuar dëme në rrjetin elektrik.
Zonat më të prekura janë Gjakova dhe Prizreni, ndërkaq gjatë ditës, sipas KEDS-it, pritet që situatë e njëjtë mund të jetë edhe në rajonin e Pejës, në Drenas, në Skenderaj e deri në Prishtinë.
“Ekipet e KEDS-it janë në terren që nga mbrëmë. Derisa një pjesë e madhe e dëmeve janë sanuar, KEDS-i po shton numrin e punëtorëve në terren, sipas nevojës, në mënyrë që në një afat optimal të sanojë dëmet e shkaktuara si rrjedhojë e këtyre kushteve atmosferike, dhe që furnizimi me energji elektrike për të gjitha këto zona të prekura t’i kthehet normalitetit.”, është bërë e ditur në njoftimin e KEDS-it.
/TV Arbëria
