Sot gjatë ditës janë gjetur të vdekur dy persona. Policia e Kosovës ka bërë të ditur se bëhet fjalë për një rast në Prishtinë dhe një tjetër në Fushë Kosovë.
Në Fushë Kosovë një 56 vjeçar është gjetur pa shenja jete në banesën e tij.
“Sot rreth orës 10:30, policia ka pranuar informatën për një person pa shenja jete në banesën e tij rrugën “Dardania” në Fushë Kosovë. Menjëherë pas marrjes së informatës policia kanë dalë në vendin e ngjarjes ku ka ftuar edhe mjekët emergjent, me ç’rast është konfirmuar se viktima, mashkull 56 vjeç është pa shenja jete”, ka deklaruarzëdhënësi Agron Borovci.
Ndërsa më vonë gjatë ditës policia ka marrë informatë për një person të shtrirë në në parkun e Taukbashqes në Prishtinë.
Tutje, ai ka bërë të ditur se menjëherë pas marrjes së informatës policia dhe ekipi i mjekëve emergjent kanë dalë në vendin e ngjarjes, ku nga ekipi mjekësor është konfirmuar se viktima, burrë është i vdekur.
“Sot rreth orës 12:45, policia ka pranuar informatën për një person të shtrirë në tokë në parkun e Taukbashqes në Prishtinë. Menjëherë pas marrjes së informatës policia dhe ekipi i mjekëve emergjent kanë dalë në vendin e ngjarjes, ku nga ekipi mjekësor është konfirmuar se viktima, mashkull është pa shenja jete”, shtoi tutje Borovci.
Ai ka deklaruar se Policia e Kosovës me kujdes të shtuar po trajton të gjitha rrethanat që karakterizojnë këto ngjarje
