Policia e Kosovës ka njoftuar se është arrestuar një person në Ferizaj.
Personi që u arrestua dyshohet se ka kryer veprën penale veprën penale “Keqpërdorimi i pozitës apo autoritetit zyrtar” sa ishte zyrtar i gjendjes civile.
“Njësia për Hetimin e Krimeve Ekonomike dhe Korrupsion në Ferizaj, se ka arritur të sigurojë dëshmi se i dyshuari mashkull ( ish zyrtar i gjendjes civile në Ferizaj, tani me pozitë tjetër ) derisa ishte zyrtar i gjendjes civile deri në vitin 2019, si ofiqar, dyshohet se ka konsumuar veprën penale “Keqpërdorimi i pozitës apo autoritetit zyrtar”, thuhet në njoftim.
Sipas policisë, “dyshohet se i dyshuari mashkull ka keqpërdorur detyrën zyrtare duke regjistruar një shtetas të huaj (turk) në sistemin elektronik të gjendjes civile në komunën e Ferizajt, teksa i njëjti nuk i kishte plotësuar kriteret e fitimit të shtetësisë.
Si rredhojë e këtyre veprimeve të njëjtit i ishte mundësuar që të pajiset me letërnjoftim të Republikës së Kosovës dhe pastaj edhe me patentë shofer”, njofton policia.
“Me datë 23.04.2024, është siguruar prezenca e të dyshuarit të lartcekur për intervistë në prezencë të avokatit mbrojtës, ku pas intervistës me aktvendim të prokurorit, i njëjti është ndaluar për 48 orë.
Ndërsa personi i dyshuar mashkull turk që dyshohet se ka konsumuar veprën penale “Legalizimi i përmbajtjes së rreme” tani është i ekstraduar në Turqi”, thuhet në njoftim.
