Spekulimet e fundit në Itali thonë se Arsenali është gati t’i ofrojë yllit të Bolognas, Joshua Zirkzee, një kontratë me vlerë prej gjashtë milionë eurove në vit, por Interi, Milani, Aston Villa dhe Manchester United janë gjithashtu në garë.
Arsenali është në bisedime me agjentin e Zirkzeet, Kia Joorabchian dhe është gati t’i ofrojë sulmuesit holandez një kontratë prej gjashtë milionë eurosh në vit deri në vitin 2029, raporton KosovaPress.
Spekulohet se Arsenali e ka vënë 22-vjeçarin në krye të listës së dëshirave të transferimeve për verë dhe është i etur për t’i dërguar një ofertë Bolognas në javët e ardhshme.
Disa klube evropiane, duke përfshirë Milanin, Aston Villan dhe Manchester Unitedin, i kanë vënë sytë te sulmuesi holandez. Sipas “Tuttosport”, këto tre klube kanë monitoruar Zirkzeen disa herë këtë sezon.
Sipas “Gazzetta”, kampioni i ri i Serie A, Interi i është bashkuar gjithashtu garës për të nënshkruar me Zirkzee, por “Nerazzurrët” duhet të zgjedhin mes tij dhe yllit të Genoas, Albert Gudmundsson.
Zirkzee ka shënuar 11 gola në 31 paraqitje në Serie A me Bologna këtë sezon. Bayern Munich ka një opsion për ta ri-nënshkruar atë për 40 milionë euro në verë.
/TV Arbëria