Kryetari i Aleancës për Ardhmërinë e Kosovës, Ramush Haradinaj sot në Ditën kombëtare të personave të zhdukur me dhunë dhe në 25-vjetorin e masakrës në Mejë nga forcat serbe tha se kurrë nuk do të ndalen së kërkuari drejtësi.
Haradinaj në një postim në Facebook shkruan se forcat serbe kryen një ndër masakrat më të rënda në Kosovë.
Nuk është rastësi, që Dita e të Pagjeturve, shënohet pikërisht në ditën e masakrës së Mejës. Në këtë datë forcat okupatore kryen njërën ndër masakrat më të mëdha në Kosovë, duke vrarë 377 motra e vëllezër tanë shqiptarë, një pjesë e tyre ende të pagjetur. Shqiptarë të pambrojtur të dy besimeve fetare që kishin vetëm një ëndërr, lirinë e Kosovës”, shkruan ai në Facebook.
Kurrë nuk do të harrojmë kujtimin për ta. Kurrë nuk do të ndalemi së kërkuari drejtësi.
Pushofshin të qetë në tokën e Kosovës!”, shkruan Haradinaj. /Telegrafi/
