Në bazë të projektit të filluar në vjeshtën e vitit 2022, ndërtimi i rrugës “Ibrahim Mazreku” me tërë infrastrukturën përcjellëse të saj, është duke vazhduar sipas dinamikës së paraparë për realizimin e projektit.
Kryetari i Komunës së Malishevës, tha se po e realizojnë premtimin e bërë gjatë fushatës zgjedhore për “Malishevën urbane”, e gjithë kjo që qyteti të marrë pamje sa më të bukur.
Me përfundimin e një segmenti të Rrugës “Ibrahim Mazreku”, do të kemi lirim dhe mosngarkesë për zhvillimin e bizneseve dhe të qarkullimit rrugor.
Në lidhje me këtë temë kemi marrë disa mendime të qytetarëve se sa të dobishëm e shohin këtë projekt për Malishevën.
Ata u shprehen se ky është projekti më i mirë që ka ndodhur ndonjëherë në Malishevë.
Në kuadër të investimeve janë bërë disa në këtë komunë si në qendrën e Mjekësisë Familjare, në shkollën e mesme të lartë, gjimnazin Hamdi Berisha dhe në projektin “Malisheva Urbane”.
/TV Arbëria
