Policia jep detaje për plagosjen në Pejë, të dyshuarit në kërkim

Tre persona janë plagosur me armë zjarri në Pejë,...

Tre personat e plagosur në Pejë nisen për QKUK, njëri në gjendje të rëndë

Tre persona (familjarë mes vete), janë plagosur nga arma...

Plagosje e trefishtë në Pejë, pamje të rënda nga gjuajtja me armë e palëve në konflikt

Tre persona janë plagosur sot në Pejë, derisa i...
spot_imgspot_imgspot_imgspot_img

Takimi Kurti-Vuçiq, njohësit politikë e shohin si një mundësi të mirë për të zhbllokuar procesin e dialogut

Extra AL PVC

Takimi i nesërm (e enjte) në Bruksel, ndërmjet kryeministrit të Kosovës, Albin Kurti dhe presidentit serb, Aleksandër Vuçiq po konsiderohet nga njohësit politikë si një mundësi e mirë për të zhbllokuar procesin e dialogut. Sipas tyre, të dy palët, por veçmas Serbia duhet të zotohet për zbatim të marrëveshjes së Brukselit dhe të Ohrit.

Analisti politik, Artan Muhaxhiri, thotë se Kosova dhe Serbia duhet të bëjnë hapin e madh në takimin e 14 shtatorit për të ecur përpara në dialog.

“Dialogu është bllokuar dhe situata në veri i ka ndihmuar shumë këtij bllokimi. Tash takimi i 14 shtatorit shihet si një mundësi e mrekullueshme për të zhbllokuar këtë gjendje dhe për të shkuar përpara. Nëse vazhdojmë me këtë tempo dhe këtë largim dhe zgjerim të hendekut mes palës kosovare asaj serbe dhe bashkësisë ndërkombëtare, atëherë nuk do të ketë asnjë pikë optimizmi që dialogu të përfundojë me sukses”, thotë ai.

Më skeptik për takimin e nesërm (e enjte) është analisti tjetër Seb Bytyçi, i cili thotë për  se nuk pret që të ketë progres të madh duke parë qëndrimet e deritanishme të dy palëve.

“Sa i përket takimit nuk pres që të ketë ndonjë përparim të madh, por pres që të diskutohen çështjet madhore sikurse edhe ato konkrete që kanë të bëjnë me veriun. Mund të presin një ri-përkushtim për mbajtjen e zgjedhjeve por nuk besoj se mund të pritet një pajtim për çështje madhore”, thekson Bytyçi.

Në anën tjetër, analisti Muhaxhiri kërkon një dinamik të re në procesin e dialogut për zbatimin e ujdive ekzistuese mes Kosovës dhe Serbisë.

“Pas takimit të Ohrit është pritur që të ketë një dinamizëm shumë më të madh të dialogut, pasi është konsideruar si një arritje e madhe politike. Por fatkeqësisht kjo nuk ka ndodhur kështu dhe tani duhet të gjenden mënyra që të rikuperohet situata dhe të rigjenerohen pozicionet dhe të kemi një rikthim në trajektoren që është planifikuar. Pra duhet të kemi efekte konkrete pozitive, duhet të ketë ndryshime të prekshme, pasi pa këto ndryshime dhe pa këta hapa konkret nuk mund të ketë shpresë për ndonjë përfundim të dialogut”, shton Muhaxhiri.

Bashkimi Evropian të martën ka publikuar agjendën e takimit Kurti-Vuçiq në Bruksel, fillimisht palët do të kenë takime të ndara me ndërmjetësuesit e dialogut, përfaqësuesin e lartë të BE-së për politikë të jashtme, Josep Borrell dhe emisarin për dialog, Miroslav Lajçak dhe pastaj do të jetë takimi trepalësh.

Kurti dhe Vuçiq janë takuar për herë të fundit më 2 maj të këtij viti, nëntë ditë pas zgjedhjeve të jashtëzakonshme në veri të Kosovës, të cilat janë bojkotuar nga popullata lokale serbe. Ndërkaq vendosja e kryetarëve të zgjedhur në objektet komunale në veri është kundërshtuar përmes protestave në veri, e cila kulmoi me 29 maj me lëndimin e disa ushtarëve të KFOR-it.

Institucionet e Kosovës e kanë miratuar Udhëzimin Administrativ që do të mundësojë shkarkimin e kryetarëve në veri përmes peticionit. Mirëpo bashkësia ndërkombëtare vazhdon të insistojë se zgjidhja më e mirë për shpalljen e zgjedhjeve në veri është dorëheqja e kryetarëve atje.

/TV Arbëria

spot_img

Të fundit

Policia jep detaje për plagosjen në Pejë, të dyshuarit në kërkim

Tre persona janë plagosur me armë zjarri në Pejë,...

Tre personat e plagosur në Pejë nisen për QKUK, njëri në gjendje të rëndë

Tre persona (familjarë mes vete), janë plagosur nga arma...

Plagosje e trefishtë në Pejë, pamje të rënda nga gjuajtja me armë e palëve në konflikt

Tre persona janë plagosur sot në Pejë, derisa i...

Plagosen dy persona në Prizren, policia jep detaje

Një person është plagosur me armë zjarri në fshatin...

Policia jep detaje për plagosjen në Pejë, të dyshuarit në kërkim

Tre persona janë plagosur me armë zjarri në Pejë, dy prej tyre janë në gjendje të rëndë dhe janë nisur për në QKUK, raporton...

Tre personat e plagosur në Pejë nisen për QKUK, njëri në gjendje të rëndë

Tre persona (familjarë mes vete), janë plagosur nga arma e zjarrit sonte në Pejë. Personi i dyshuar ndodhet në kërkim, teksa të plagosurit pas...

Plagosje e trefishtë në Pejë, pamje të rënda nga gjuajtja me armë e palëve në konflikt

Tre persona janë plagosur sot në Pejë, derisa i dyshuari për rastin është në kërkim. Të plagosurit janë duke marrë trajtim mjekësor, ndërsa janë publikuar...