Disa zyrtarë policorë janë qëlluar në Charlotte të Karolinës së Veriut, ka njoftuar policia e atjeshme.
“Të shtënat janë akoma duke ndodhur, shmangni zonën. Shumë rrugë janë mbyllur për transport më të shpejtë të ambulancave. Ju lutemi bashkëpunoni me autoritetet”, thuhet në njoftimin e departamentit të policisë Charlotte-Mecklenburg në X.
Incidenti po ndodhë në bllokun 500 në Galway Drive, shtoi policia duke theksuar se në vendin e ngjarjes kanë dalë njësite elitare të policisë të njohura si SWAT, transmeton Telegrafi.
“Task Forca e Marshallëve të SHBA-së, e cila përbëhet nga oficerë nga agjenci të shumta, po kryejnë një hetim në zonën e bllokut 5000 të Galway, kur ata u përfshinë me të shtëna”, tha policia.
“Shumë oficerë të zbatimit të ligjit janë goditur nga të shtënat dhe po transportohen në spital”, u tha ndër tjera.
“Kryetarja e bashkisë Vi Lyles po monitoron situatën”, tha zëdhënësi i qytetit të Charlotte, Lawrence Corley për CNN. /Telegrafi/
