Policia e Kosovës ka njoftuar për një përleshje në Prishtinë, ku ka arrestuar pesë persona pasi dyshohet se pas një mosmarrëveshjeje kishin sulmuar fizikisht, me mjete të forta dy meshkuj.
Rasti ka ndodhur të mërkurën në ora 23:00.
“Janë arrestuar pesë të dyshuar meshkuj nga Kosova pasi që të njëjtit pas një mosmarrëveshje dyshohet se kishin sulmuar fizikisht me mjete të forta dy viktimat meshkuj nga Kosova. Dyshohet të ketë pasur edhe të shtëna me armë zjarri pasi që në vendin ngjarjes është gjetur një gëzhojë”, thuhet në raport.
Dy viktimat dhe njëri prej të dyshuarve kanë pranuar tretman mjekësor.
Të gjithë personat e përfshirë janë intervistuar dhe me vendim të prokurorit, dy prej të dyshuarve janë dërguar në mbajtje, ndërsa rasti vazhdon në procedurë hetimore. /Telegrafi/
