Sekretari i Përgjithshëm i NATO-s, Jens Stoltenberg pret që Suedia dhe Finlanda të anëtarësohen zyrtarisht në NATO në vitin e ri, sipas një intervistë të tij të fundvitit.
Stoltenberg nuk ishte në gjendje të thoshte se kur do të ndodhte saktësisht kjo. Megjithatë, ai tha se ishte “absolutisht i sigurt se procesi i ratifikimit do të finalizohet në kohën e duhur”.
Stoltenberg më pas sqaroi se ai nuk priste që Turqia të frenonte procesin e pranimit për shumë më gjatë.
Anëtari më lindor i aleancës së mbrojtjes ka refuzuar deri më tani të ratifikojë të ashtuquajturat protokolle të pranimit për t’i hapur rrugën Finlandës dhe Suedisë për t’u bashkuar me NATO-n.
Por ka gjithashtu spekulime se eksportet e pezulluara të armëve nga partnerët e NATO-s mund të luajnë një rol. Për shembull, SHBA e hoqi Turqinë nga programi i saj luftarak F-35 pasi qeveria e Ankarasë bleu sistemet e mbrojtjes raketore S-400 nga Rusia, pavarësisht shqetësimeve të rëndësishme të sigurisë për partnerët e NATO-s.
Suedia dhe Finlanda aplikuan për t’u anëtarësuar në NATO në maj pas luftës së Rusisë kundër Ukrainës./ATSH
