Joel Matip si duket ka tërhequr vëmendje nga Lazio dhe Roma ndërsa përgatitet që të largohet nga Liverpooli si lojtar i lirë këtë verë.
Mbrojtësi kamerunas, i cili ka edhe pasaportë evropiane, ka afro dy muaj të mbetur në kontratën e tij me “Të Kuqtë”, e cila nuk do të rinovohet, raporton KosovaPress.
Siç bëhet e ditur nga “Corriere della Sera”, Matip po përgatitet që të largohet nga Liverpooli si lojtar i lirë gjatë verës, duke tërhequr vëmendjen nga Lazio dhe Roma, të cilat mund të hapin bisedimet me 32 vjeçarin gjatë javëve të ardhshme.
Për të dy klubet romake, arritja e një marrëveshje varet nga sigurimi i kualifikimit në gara evropiane, dhe vetë lojtari është i hapur për një lëvizje në kryeqytetin italian.
/TV Arbëria
