Një qytetar nga Ferizaj ka dorëzuar në polici një shumë të hollash pasi i kishte gjetur në rrugë.
Për këtë ka njoftuar Policia e Kosovës, e cila i ka bërë thirrje pronarit që të paraqitet për t’i marrë.
“Me datën 08.05.2024 rreth orës 17:10 qytetari nga Ferizaj z. D.Sahiti , i moshës 32 vjeçar, në rrugën ‘’Reçaku ‘’ afër një barnatore në Ferizaj ka gjetur një shumë të caktuar të parave dhe menjëherë ka njoftuar policinë dhe ato i ka dorëzuar në stacionin e policisë në Ferizaj. Lusim pronarin e vërtetë të parave të paraqitet në stacionin e policisë në Ferizaj dhe pas verifikimit t’i kthehen ato”.
Drejtoria Rajonale e Policisë në Ferizaj e ka falënderuar qytetarin D. Sahiti për gjestin e tij “human dhe shembullor për dorëzimin e parave të gjetura në stacionin e policisë”.
