Komisioni për Çështje të Sigurisë dhe Mbrojtjes shqyrton raportin me propozim amendamente për Projektligjin për Agjencinë e Inteligjencës dhe Sigurisë së Mbrojtjes. (Kuvendi i Kosovës, salla N-302, ora 09:30)
Komisioni Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës, harton planin e punës së komisionit. (Kuvendi i Kosovës salla C-203, ora 10:00)
Zyra për Qeverisje të Mirë/Zyra e Kryeministrit dhe Organizata “Action for Health”, në kuadër të aktiviteteve për shënimin e Ditës Botërore të Shëndetësisë, 7 Prillit, organizojnë konferencën me temë: “Shëndeti Im, e Drejta Ime”. (Ndërtesa e Qeverisë, salla P-38, ora 10:00)
Akademia e Shkencave dhe e Arteve e Kosovës dhe Akademia e Shkencave e Shqipërisë organizojnë konferencën shkencore “Roli i konferencës së Bujanit në procesin e shtet-formimit të Kosovës. (Salla e Akademisë së Shkencave dhe e Arteve e Kosovës, Prishtinë, ora 10:00)
Projekti i Fuqizimit të Veprimit Lokal për Klimën, në partneritet me Austrian Development Cooperation dhe UNDP Kosova në bashkëpunim me komunën e Suharekës, fillon fushatën ndërgjegjësuese “Dita e Pjatës së Gjelbër”. (Sheshi i Qytetit Suharekë, ora 10:00)
Mbahet seanca plenare e Kuvendit të Kosovës – pyetjet parlamentare. ( Kuvendi Kosovës, ora 11:00)
Mbahet ceremonia për ndarjen e granteve për përfituesit nga Programi i Vetëpunësimit zbatuar nga Agjencia e Punësimit të Kosovës në bashkëpunim me GIZ. Marrin pjesë Hekuran Murati, ministër i Financave, David Oberhuber, drejtor i GIZ Kosova dhe Jehona Rexha, drejtoreshë e Agjencisë së Punësimit të Kosovës. (Objekti i Qeverisë, Salla P-38, ora 13:00)
Shënohet Dita Ndërkombëtare e Romëve. Marrin pjesë presidentja Vjosa Osmani dhe kryeministri Albin Kurti. (Kino Armata, Prishtinë, ora 15:00)
Mbahet Kongresi i Dytë Ndërkombëtar i profesionistëve të kujdesit shëndetësor, të organizuar nga Oda e Infermierëve, Mamive dhe Profesionistëve tjerë Shëndetësorë. (Hotel “Emerald”, Prishtinë, ora 15:00)
