Agjencia për Parandalimin e Korrupsionit ka publikuar listën e deklarimeve të pasurisë. Mes tyre edhe të ministrit të Punëve të Brendshme, Xhelal Sveçla.
Ai ka deklaruar se ka trashëguar një shtëpi në vlerë 600 mijë euro dhe një lokal me vlerë 650 mijë euro.
Gjithashtu Sveçla ka deklaruar se është aksionar 100 për qind në biznesin “Dhomi”, dhe bashkëaksionar 50 për qind me bashkëshorten e tij në biznesin “Dental Advanced Services, Dhomi”, i cili kap vlerën e 100 mijë euro.
Para të gatshme, Sveçla ka deklaruar 762 euro kursime në një bankë në Kosovë dhe mbi një mijë e 500 në një tjetër.
