Sot në Kuvendin e Kosovës, Komisioni për Ekonomi, Industri, Ndërmarrësi dhe Tregti ka shqyrtuar Projekt-rezolutën për Raportin Vjetor të Autoritetit Rregullativ të Komunikimeve Elektronike dhe Postare Akrep, me ç’rast u procedua për shqyrtim.
Deputetja nga radhët e Partisë Guxo, Jeta Statovci, ka kërkuar që të shtyhet pika 3 e rendit të ditës për mbledhjen e ardhshme, pra Projektligji për pronarët përfitues.
‘’Në kuadër të rendit të ditës ne kemi edhe regjistrin për projektligjin e pronarëve përfitues, pra një projektligj i një rëndësie të veqantë, e cila është përmendur edhe prej raportit të progresit mirëpo edhe prej Bankës Qendrore, në raport me aspiratat e saj, mirëpo përgjatë grupit punues edhe pas draftit kemi pasur kërkesa për disa konsultime andaj në mënyrë që të konsumohen edhe konsultimet edhe kërkesat që kanë ardhur në ndërkohë do të kërkonim me mirësjellje të shtyhet kjo pikë e rendit të ditës për mbledhjen e radhës’’, ka thënë Statovci.
Andaj, Kryesuesi i kësaj mbledhje Ferat Shala, e ka hedhur në votim rendin e ditës me propozim të Deputetes Statovci, në mënyrë të ndryshohet dhe të largohet dhe kërkesa e saj është pranuar dhe votuar nga të gjithë të pranishmit të tjerë.
Ndërkaq Deputeti Driton Hyseni, ka konsideruar se rekomandimet të cilat janë draftuar janë në rekomandim për moniturimin se rezoluta e plotëson atë gamë të dhënë që ka Arkep.
‘’Edhe rekomandimet të cilat janë draftuar, janë pothuajse në përputhje me rekomandimet të cilat kemi pas si grup pune për moniturimin e ligjit për komunikime elektronike dhe konsideroj që e plotëson atë gamë edhe rezoluta e plotëson, që ne Arkepit, të i japum rekomandime si komision që të ngritë përformancën e tij në shumë sektorë ku autoriteti ka qasje dhe operon dhe unë mendoj që mundemi të procedojmë tutje me rezolutën në seancë të Kuvendit’’, thotë ai.
Ndërsa Kryesuesi, Ferat Shala, ka informuar se ende nuk kanë marrë raportin e Ministrisë Tregtisë dhe Indrustrisë për të cilin Ministrja Artane Rizvanolli është zotu, andaj mbledhja e ardhme nuk do të mbahet nëse nuk e sjell.
‘’ Sa për informacion për të cilin raport është zotu ministrja, javën e ardhshme , nëse nuk vjen aporti deri në kohën optimale ne nuk mund ta mbajmë këtë dhe me pranu në raportim Ministren’’, ka përfunduar ai.
/TV Arbëria
