Këshilli i Etikës I Universitetit të Prishtinës ”Hasan Prishtina”, ka marrë vendim për suspendim ndaj Profesorit Xhevat Krasniqi, i cili akuzohej për ngacmim seksual ndaj disa studentëve në Fakultetin e Mjekësisë gjatë kohës kur ai ligjëronte me herët.
Kurse tanimë Prof. Xhevat Krasniqi, ka qenë duke ligjëruar në Fakultetin e Edukimit, në Universitetin ‘’Hasan Prishtina’’, në Prishtinë.
Disa studente kishin paraqitur fillimit për të njëjtin ankesë në Këshillin e Etikës të UP-së, për ngacmime seksuale ndaj tyre.
Dje po të njëjtit, aktivistë të Lëvizjes Feministe Studentore I kishin bllokuar hyrjen e Administratës Qendrore të UP-së, duke mos I lejuar daljen nga objekti të anëtarëve të Këshillit.
Megjithatë, pas disa orësh bllokadë nga aktivistët kishte intervinuar Policia e Kosovës.
Arbëria TV, ishte interesuar lidhur me rastin e Prof, Xhevat Krasniqi, duke dërguar pyetje në Prokurorinë Themelore të Prishtinës.
Për TV Arbëria Laureta Ulaj, Zyrtare për Informim dhe Monitorim të Mediave, nga Prokuroria Themelore Prishtinë kishte njoftuar se kanë autorizuar policinë për grumbullimin e provave lidhur me çështjen.
‘’Referuar kërkesës suaj, ju njoftojmë se Prokuroria Themelore në Prishtinë ka autorizuar policinë në ndërmarrjen veprimeve hetimore, me qëllim të grumbullimit të provave dhe informatave lidhur me këtë çështje. Në këtë fazë nuk mund të ndajmë informata të tjera me ju’’, ka thënë ajo.
/TV Arbëria
