Të enjten, më 18.4.2024 në Hotel “Sirius” është mbajtur Kuvendi i Dytë Zgjedhor i Odës së Hotelerisë dhe Turizmit të Kosovës.
Kuvendi është hapur nga kryetari i komisionit zgjedhor z.Afrim Muçiqi i cili duke përshëndetur të gjithë delagatët ka kujtuar se rruga e Odës deri këtu ka qenë shumë sfiduese dhe se dëshira për të përmirësuar pozitën e bizneseve ka qenë më e madhe se secila vështirësi me të cilën janë ballafaquar udhëheqësit e OHTK-së.
Delegatët e Kuvendit të Dytë Zgjedhor të OHTK-së me aklamacion kanë zgjedhur kryetar të Kuvendit z.Armend Delijaj.
80 delegatët e Kuvendit me të gjitha votat pro rizgjodhën kryetar të OHTK-së z.Hysen Sogojeva.
Me propozimin e kryetarit të Kuvendit, delegatët me të gjitha votat pro zgjodhën z.Fehmi Fetahi kryetar të OHTK-së për diasporë.
Kryetari Sogojeva ashtu siç përcaktohet në Statut të OHTK-së para anëtarëve të Këshillit Drejtues propozoi z.Sadik Gashi për pozitën drejtor ekzekutiv.