Franca dhe Australia janë dy kombëtaret që e kanë siguruar kalimin në fazën e eliminimit direkt të Kampionatit Botëror pasi janë kualifikuar tutje nga grupi D.
Gjithçka kishte mbetur të vendosej në xhiron e fundit sa i përket ekipeve që do të vazhdonin më tej dhe befasia e madhe ishte kualifikimi i Australisë që mposhti Danmarkën me rezultat minimal 1-0.
Golin e vetëm në ndeshje dhe të fitores për Australinë e realizoi Leckie në minutën e 60′ duke ia siguruar kualifikimin historik vendit të tij nga vendi i dytë në këtë grup.
Befasuese ishte edhe barazimi i Tunizisë me Francën me rezultat 1-1, por kjo nuk e ndryshoi fatin e tyre për të vazhduar tutje pasi që me katër pikë të mbledhura, kanë mbetur në vendin e tretë. Për Tunizinë golin e realizoi Khazzi në minutën e 58′, kurse Antoine Griezmann barazoi në minutat shtesë për 1-1.
Franca kualifikohet tutje si liderë e këtij grupi me shtatë pikë, kurse Australia si e dyta me gjashtë pikë.
