Janë mbyllur ndeshjet çerekfinale “Play Off” të Euroleagisë, duke përcaktuar edhe 4 skuadrat më të mira që do të luajnë në “Final Four”.
Pas Real Madrid, që ishte kualifikuar më herët (3-0 me ndeshje ndaj Baskonia), tri skuadrat e tjera dolën pas ndeshjeve të pesta. Surpriza më e madhe është eliminimi i Barcelonës, që u mund 63-29 në takimin e pestë në fushën e tij nga Olympiakosi. Një ndeshje madhështore e ekipit grek, që eliminon katalanasit, duke fituar 3-2 me ndeshje.
Po me 3-2 fitojnë me ndeshje edhe Panatinaikos e Fenerbahçe. Skuadra greke fitoi 81-72 ndaj Makabit në çerekfinalen e pestë, ndërsa turqit mundën jashtë fushe në sekondën e fundit 80-79 Monako.
Ndërkohë, janë përcaktuar edhe dy takimet gjysmëfinaliste, që do të luhen në Berlin më 24 maj. Sfida e parë është Panatinaikos-Fenerbahçe dhe Real Madrid-Olimpiakos. Finalja e madhe luhet po në Berlin më 26 maj.
