Ky është momenti kur një grup prej rreth 20 të burgosurish u përpoqën të dilnin nga burgu përmes një tuneli – vetëm për “t’u pritur” nga një ekip oficerësh policie në pritje.
Sipas mediave të huaja, oficerët në Maracaibo, Venezuelë, ishin në një kurs trajnimi jashtë kur panë të burgosurit duke u përpjekur të arratiseshin.
Duke qenë se hapja e tunelit ishte aq e vogël, të arratisurit ishin në gjendje vetëm të përfundonin drejt e në krahët e policëve që prisnin.
Ata thuhet se u kthyen brenda në qendrën e paraburgimit në selinë e policisë më 17 prill.
Komisioneri i Policisë, Rafael Ramírez Colina ka thënë se “çdo gjë është tani nën kontroll”, duke shtuar se tre të burgosur kishin nevojë për trajtim për lëndime të lehta ndërkohë që autoritetet policore kanë thënë se po hetojnë tentativën për arratisje për të parandaluar një situatë të ngjashme që të ndodhë në të ardhmen.
/TV Arbëria
