Një person nga Banja e Istogut ka bërë një gjest të rrallë.
Ai ka denoncuar në Polici babain e tij.
Sipas djalit, i ati kishte ushtruar dhunë psikologjike në nënën e tij.
Në media është raportuar se pas intervenimit të Policisë në shtëpinë e çiftit është gjetur edhe një armë.
I dyshuari është shoqëruar në stacion policor, ku ka dhënë deklaratën e tij lidhur me atë që kishte ndodhur, ndërsa arma dhe municioni janë sekuestruar.
Ndaj tij, Prokurori i Shtetit ka urdhëruar masën e ndalimit policor nën dyshimin për veprën penale “Dhunë në familje”.
