Presidenti serb Aleksandar Vuçiq nuk u përmbajt në reagimin e tij gjatë një pyetje që iu parashtrua nga gazetarja e “Bosnjës së Lirë”.
Me të parashtruar pyetjen se analistja Ivana Stradner ka deklaruar se Serbia synon ta lë rrugën e Brukselit dhe t’i bashkohet BRICS-it, presidenti Vuçiq filloi me ironi – duke thënë se vetëm e lirë nuk është duke iu referuar emrit të mediumit nga ku iu parashtrua pyetja.
“Si e di ajo se çfarë mendojë apo ëndërroj unë. A mos më kanë vendosur një çip në kokë? Gjithçka mendoj unë vetëm për BRICS-in jo, ata janë çmendur të gjithë – mbetet të shihet se cili mjek do t’i shërojë”, tha Vuçiq i cili vazhdimisht me një dozë nervozizmi dhe ngritje toni i përgjigjes gazetares.
E pamjet e reagimi të tij i ka shpërndarë vetë analistja amerikane Stradner, e cila ka shkruar në X se Vuçiq e ka quajtur të çmendur dhe se ka nevojë për trajtim mjekësor.
“Presidenti i Serbisë sapo tha se jam e çmendur dhe kam nevojë për trajtim mjekësor. Në psikologji, quhet projeksion. Histeria e tij është e pabesueshme”, shkroi Stradner.
Kjo nuk është hera e parë që Vuçiq reagon në këtë mënyrë ndaj gazetarëve, e në veçanti ndaj atyre që nuk mendojnë si ai. /Reporteri/
The President of Serbia has just said that I am crazy and ready for medical treatment. 😂
In psychology, it’s called projection.
His hysteria is unbelievable. ⤵️ pic.twitter.com/U3fpNgUOfC
— Ivana Stradner (@ivanastradner) April 29, 2024
