Ministrja e Punëve të Jashtme, Donika Gërvalla më në fund ka falenderuar edhe opozitën për punën e bërë drejt votimit të suksesshëm në Asamblenë Parlamentare të Këshillit të Evropës, megjithatë, ka lënë të kuptohet se votimi kryesor mund të bëhet në një moment tjetër, e jo në maj.
Në Kuvendin e Kosovës, ajo të enjten fillimisht tha:
“(Falenderimi) I drejtohet edhe të gjithë delegacionit të Kuvendit të Kosovës, më lejoni t’i përmend t’i falenderoj me emër një nga një, Arben Gashi i LDK-së, Enis Garvan i grupit të deputetëve, Ariana Shsohi – Musliu e PDK-së, dhe Besnik Thairi i AAK-së, ju falenderoj për bshkëpunimin e mirë, të frytshëm dhe përkushtimin tuaj për realizimin e këtij përkushtimi kaq të rëndësishëm”.
Gërvalla tutje u shpreh se mbetet punë, “ndoshta për në maj, ndoshta për një moment tjetër”.
“Mbetet ende punë për të bërë, ndoshta deri në maj, por ndoshta edhe në një moment tjetër, e rëndësishme është që vota prej 82 për qind është konfirmim i fuqishëm që Kosova është një shtet me demokraci të konsoliduar.” – u shpreh Gërvalla.