Kombëtarja e Shqipërisë ka pësuar edhe humbjen e dytë në muajin mars, ku janë mposhtur në udhëtim te Suedia me rezultat 1-0 përkundër se pati paraqitje shumë më të mirë se ndaj Kilit.
Në minutën e 13-të, Armando Broja bëri një depërtim fantastik, por që u pengua në zonë dhe çuditërisht gjyqtari nuk akordoi penallti.
Rast të artë pati Emil Forsberg, por goditja e tij u ndal nga shtylla e jashtme.
Shqipëria shënoi gol në minutën e 24-të me Armando Brojën, por që ai u anulua për pozitë jashtë loje.
Ishte minuta e 39-të, kur Isak goditi nga distanca, por Thomas Strakosha intervenoi.
Vetëm një minutë më vonë, Gustafson i vendasve u gjend në pozitë të mirë shënimi, por sërish Thomas Strakosha ishte në vend me një tjetër pritje fantastike.
Me rezultati baras 0-0 u mbyllën 45 minutat e para të kësaj sfide.
Jasir Asani krijoi një mundësi të mirë shënimi, por goditja e tij nga distanca shkoi ngjitur me shtyllen duke mbetur rezultati baras 0-0.
E pas shpërdorimit të rasteve, vendasit ishin ata që gjetën të parët golin kur pas asistimit të Dejan Kulusevskit, Gustaf Nilson realizoi me kokë për 1-0.
Shqipëria deri në fund tentoj të realizoj golin e barazimit, por një gjëje të tillë nuk ia arritën përkundër që krijuan disa gjysmë raste shënimi.
Kësisoj Suedia mori fitoren e parë në muajin mars në ndeshje miqësore, derisa Shqipëria humbi dy ndeshje nga dy sa i kishte aranzhuar për këtë muaj. /Telegrafi/
© Arbëria TV - Kjo faqe kontrollohet dhe menaxhohet nga Arbëria TV. Të gjitha materialet në të, përfshirë fotografitë, janë të mbrojtura me copyright, dhe për to Arbëria TV mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të Arbëria TV. Shfrytëzimi i materialeve nga ndonjë faqe interneti a medium tjetër pa lejen e Arbëria TV është shkelje e drejtave të autorit dhe të pronës intelektuale sipas dispozitave ligjore në fuqi.