Ka qenë pjesë e jurisë në sezonin e pestë të “She’s on Top” dhe të gjitha vajzat konkurrente i ka parë me një mori veshjesh. Edhe pse është e mësuar me modelingun dhe televizionin, edhe për Sara Gjordenin, kjo e sotmja s’mund të ishte një finale e zakontë.
Së pari, sepse bashkë me të, sot ishte edhe Bardhi (në skenë, jo në prapaskenë) dhe, së dyti, sepse bukuroshet në garë ishin të veshura … me fustan të bardhë.
Pas sfilatës së “nuseve”, Sara, duke shfrytëzuar edhe ndjeshmërinë e shtatzënisë, i komplimentoi ato për veshjen dhe u shpreh se ajo mezi po e pret këtë çast: “Mezi po pres të bëhem nuse” – tha ajo dhe kaq u desh që mesazhi të shkonte në prapaskenë, aty ku Bardhi vijonte të ndiqte spektaklin.
Por Sara nuk e la me aq. Si këmbëngulëse, ajo vijoi me pyetjen: “More vesh?” – duke iu drejtuar me të qeshur partnerit të saj.