Shoqata “Miqtë e Amerikës” ka organizuar sot një ceremoni simbolike pranë shtatores së Presidentit Bill Clinton në Prishtinë.
Gjatë kësaj ceremonie është bërë ulja në gjysmështizë e flamurit amerikan, në nderim të jetës dhe veprës së Papa Françeskut.
Papa Françesku, i cili ishte 88 vjeç, vdiq më 21 prill nga një goditje në tru dhe dështimi i zemrës.
Varrimi i Papa Françeskut do të bëhet të shtunën në bazilikën e Santa Maria Maggiore në Romë, njoftoi sot Vatikani, pas një takimi të kardinalëve.
Më heret, papa Françesku shprehu dëshirën e tij për t’u varrosur në kishë, një nga vendet e tij të preferuara, dhe jo në Bazilikën më të madhe të Shën Pjetrit, siç ndodh zakonisht.
Liderët globalë pritet të marrin pjesë në funeral.
Trupi i papa Françeskut është aktualisht i vendosur në një arkivol të hapur në kapelën e bujtinës Santa Marta, ish-rezidenca e tij, ku kardinalët, zyrtarët dhe punonjësit e Vatikanit mund t’i japin lamtumirën e tij.kp