Drejtori i agjencisë izraelite të spiunazhit Mossad, David Barnea, ka arritur një marrëveshje me Katarin për dërgimin e ilaçeve për pengjet e mbajtura nga Hamasi në Gaza, njoftoi zyra e kryeministrit izraelit në një deklaratë.
Sipas deklaratës, ilaçet do të dorëzohen “në ditët e ardhshme”, raporton CNN, transmeton Klankosova.tv.
Katari ka luajtur rol kyç në ndërmjetësimin e një marrëveshjeje midis Hamasit dhe Izraelit në nëntor që çoi në një armëpushim njëjavor dhe lirimin e më shumë se njëqind pengjeve, si dhe qindra të burgosurve palestinezë të mbajtur nga Izraeli.
Muajin e kaluar, Barnea u takua me kryeministrin e Katarit, Mohammed bin Abdulrahman bin Jassim Al-Thani për të diskutuar negociatat indirekte për të rifilluar lirimin e pengjeve, por bisedimet me sa duket nuk arritën të bënin përparim.