Deputeti i Aleancës për Ardhmërinë e Kosovës, Daut Haradinaj tha se deputetët kanë të drejtë që ta bojkotojnë Kuvendin.
“Shumica e deputetëve kanë të drejtë edhe të bojkotojnë tash Kuvendin, edhe po duket që jemi duke shkuar drejt zgjedhjeve. Kur do të merret epilog tash ta shohim edhe vendimi i Gjykatës Kushtetuese që pritet të del shpejt mund të japë një drejtim të caktuar. Është për keqardhje në çfarë situate jemi, por kjo është e vërteta. Ky është realiteti dhe kështu siç duket edhe po i konvenon qeverisë aktuale”, tha ai para mediave.