Gjashtë persona kanë mbetur të lënduar si pasojë e një aksidenti në fshatin Ozdrim të Pejës.
Kështu ka konfirmuar për Tv Arbëria, zëdhënësi i Policisë për rajonin e Pejës, Driton Rugova.
Sipas tij, në aksident kanë qenë të përfshira dy vetura, teksa të lënduarit janë dërguar për tretman mjekësor.
“Sot rreth orës 16:20, Policia është njoftuar për një aksident trafiku i cili ka ndodhur në fshatin Ozdrim-Pejë, në këtë aksident ishin të involvuara dy (2) vetura dhe si pasojë e aksidentit gjashtë (6) persona kanë pësuar lendime trupore, të njejtit janë dërguar në spitalin rajonal në Pejë për tretman mjekësor”, tha Rugova./TV ARBËRIA./