Cen Desku, veprimtar, i ftuar në emisionin N’PULT në TV Arbëria me moderatorin Resim Morina, ka folur lidhur me 35-vjetorin e Lëvizjeës së Pajtimit të Gjaqeve.
Ai ka treguar historikun e kësaj lëvizjeje.
“Më 2 shkurt 1990, tubimi i parë”
“Pajtimet e para janë bërë në Zgafell në Mitrovicë, ku kanë qenë në Trepçë minatorët, në shkurt të vitit 1989 në Zgafell, dhe pajtimi i parë është bërë që të fillojnë pajtimet mes shqiptarëve. Mandej, pas një viti, më 2 shkurt 1990, në Lumbardh mbahet tubimi i parë dhe fillimi për pajtimin e gjaqeve, si aksion që më pas u kthye në lëvizje”, ka thënë ai në TV Arbëria.