Në rastin `Thaçi dhe të tjerët`, për veprën penale kundër administrimit të drejtësisë, është marrë vendim nga Paneli i Apelit në lidhje me përgjegjësinë penale të Thaçit.
“Paneli i Gjykatës së Apelit miratoi një pikë të apelit të ZPS-së kundër vendimit të Gjykatëses së Procedurës Paraprake për konfirmimin e Aktakuzës. ZPS-ja kundërshtoi interpretimin e Gjykatëses së Procedurës Paraprake të nenit 32(3) të Kodit Penal të Kosovës, me argumentin se ajo gaboi që përjashtoi përgjegjësinë penale të Hashim Thaçit për nxitje bazuar në një keqinterpretim të kritereve të dënimit”, njofton Specialaj.
Me vendim të shumicës – gjykatësja Jorgensen ishte në mospajtim – Paneli i Apelit u pajtua me ZPS-në se neni 32(3) zbatohet për vepra penale për të cilat shkallëzimi i dënimeve përfshin pesë vjet ose më shumë se pesë vjet, edhe nëse jo dënim minimal.
“Për rrjedhojë, Paneli ia ktheu çështjen Gjykatëses së Procedurës Paraprake për shqyrtim të mëtejshëm. Paneli rrëzoi tri pikat e tjera të apelit të paraqitura nga ZPS-ja”, thuhet në njoftim.
Vendimin e plotë mund ta gjeni këtu.