Një tjetër javë – një tjetër moment historik për ekipin në Giga Berlin. Rritja e prodhimit është duke u përshpejtuar dhe javën e kaluar numri magjik prej 5,000 automjetesh në javë është thyer përfundimisht. Kjo e sjell Giga Berlin në një vëllim të prodhimit prej 250,000 njësive Model Y në vit.
Plani fillestar i Tesla-s për Giga Berlin ishte të arrinte këtë numër deri në fund të vitit 2022, por me problemet globale që preknin zinxhirët e furnizimit, fabrika arriti të prodhonte 3,000 automjete në javë dhjetorin e kaluar.
Ishte vetëm muajin kur u raportua se fabrika Giga Berlin ishte duke rritur prodhimin në 4,000 automjete në javë dhe tashmë ekipi po prodhon 5,000 vetura në javë, raporton Arena EV.
Megjithatë, për ekipin ende nuk ka ardhur koha e pushimit, rritja e prodhimit nuk ka përfunduar. Plani fillestar për Giga Berlin ishte që të kishte një kapacitet prej 500,000 automjetesh në vit ose 10,000 në javë. Ky plan tashmë ka ndryshuar – Tesla së fundmi paraqiti një aplikim për ndikimin mjedisor në të cilin po kërkon nga rregullatorët gjermanë që të lejohen të rrisin prodhimin në 1 milion automjete në vit.
