Kryetari i Prishtinës, Përparim Rama ka bërë të ditur sot se qendra për trajtimin e qenve endacakë është në fazën finale të ndërtimit.
Rama ka potencuar se objekti ka marrë formë dhe janë duke u përfunduar punimet e brendshme.
“Me përfundimin e këtij objekti, të gjithë qentë endacak të identifikuar në territorin e #kryeqytetit do të trajtohen – vaksinohen, shërohen dhe kastrohen/sterilizohen në këtë qendër.”, ka shkruar Rama në Facebook.
Ai ka bërë të ditur se shumë shpejt do të fillojë edhe ndërtimi i Parkut të Kafshëve, “me fokus në qentë me dhe pa pronarë, në një sipërfaqe prej 10 hektarëve në fshatin Slivovë”.
“Ndërtimi i Parkut tashmë është në fazën përgatitore të procedurave të brendshme të domosdoshme për realizimin e tij.”, ka shkruar tutje Rama.
/TV Arbëria
Postimi i plotë: