Një aksident i rëndë komunikacioni ka ndodhur në rrugën Ferizaj – Shtime, si pasojë katër persona kanë ndërruar jetë.
Rastin për Kosovapress e ka bërë të ditur zëdhënësi i Policisë për Rajonin e Ferizajt, Kanun Veseli.
Ai ka thënë se në aksident ishin përfshirë tri automjete.
“Rreth orës 19:15 Policia Rajonale e Ferizajt ka pranuar një informacion se në aksin rrugor Ferizaj -Shtime, në hyrje të Shtimes, ka ndodhur një aksident komunikacioni ku janë përfshirë tri automjete të udhëtarëve, vetura me targa vendore. Si pasojë e këtij askidenti, 4 persona kanë humbur jetën”, ka deklaruar Veseli.
Veseli tha se vdekjen e kanë konfirmuar mjekët në vendin e ngjarjes.
Ai ka shtuar se në vendin e ngjarjes kanë dalë ekipe të emergjencave, po ashtu Njësia e Hetimeve të Komunikacionit Rrugor.
