Kryetari i Aleancës për Ardhmërinë e Kosovës, Ramush Haradinaj ka reaguar pas dënimit që Gjykata Speciale shqiptoi ndaj Salih Mustafës me 26 vjet burgim, raporton TV Arbëria.
Haradinaj ka shkruar se lufta e Ushtrisë Çlirimtare të Kosovës ka qenë e pastër duke besuar kështu në pafajësinë e UÇK.
Ai ka thënë se duhet pritur vendimi ne shkallës së dytë në rastin “Cali”.
Reagimi i plotë:
Unë besoj fuqishëm në pafajësinë e UÇK-së. Kosova e ka pranuar drejtësinë si mekanizëm për heqjen e gjitha dilemave se lufta e UÇK-së për lirinë e vendit ka qenë luftë e pastër!
Dënimi sotëm i Salih Mustafës është vetëm një shkallë e drejtësisë, dhe rasti i tij në një shkallë tjetër, shpresoj ta marrë një epilog tjetër për lirinë e tij, siç ka ndodhur në plot raste të tjera, që dënimet drakoniane janë rikthyer në pafajësi!
