Presidenti i Serbisë, Aleksandar Vuçiq, tha se nga 1 shtatori do të ketë punësime të serbëve nga Kosova në Serbi.
“Ne do të kemi përforcime dhe do të punësojmë një numër të madh të serbëve në mënyrë që ata të mbijetojnë më lehtë dhe të mbijetojnë, të paktën në atë kuptim ekonomik, në periudhën e ardhshme. Pra, në 20 ditët e ardhshme, deri më 1 shtator. Kjo është ajo për të cilën po flet kryeministri Vuçeviç, unë kam folur tashmë”, tha Vuçiq.
Tutje, presidenti serb reagoi edhe për pesë të arrestuarit serb në Kosovë, të dyshuar për krime lufte ndaj popullatës civile, duke thënë se bashkësia ndërkombëtarë po hesht për këto arrestime.
“Po përpiqen të provokojnë çdo shtëpi serbe, që çdo shtëpi serbe ta dinë se nuk guxojnë të jenë aty, në territorin e Kosovës. Është një heshtje e mjerueshme e bashkësisë ndërkombëtare dhe botës perëndimore, e cila pretendon, për të mos parë se çfarë po ndodh”, u tha Vuçiq gazetarëve në Loznicë, shkruan Kosovoonline.
Siç tha ai, përfaqësuesit e vendeve të QUINT’it do të thonë se “nuk janë pro”, por që sipas tij, do të heshtin dhe do të presin.
Presidenti theksoi se drejtori i të ashtuquajturës Zyrës së Qeverisë së Serbisë për Kosovë, Petar Petkoviq, ka biseduar sot me përfaqësuesit e Bashkimit Evropian dhe të Shteteve të Bashkuara të Amerikës .
“Le t’i pyesim nëse ende duan të shtiren si të painteresuar dhe të pakualifikuar. Do t’ju kujtoj, kur një autobus ndalon në Serbi në pikën kufitare me Kroacinë, dhe në të ka shqiptarë të Kosovës – e gjithë Europa bën dhe shkruan tekste, edhe pse askush nuk i ka prekur, as nuk i arrestuar”, tha Vuçiq.
Ai vlerësoi se këto janë standarde të dyfishta dhe se “duhet të mësohemi”.
“Ne duhet ta forcojmë vendin tonë, të ndjekim ndryshimet në botë, të ndjekim se çfarë po ndodh, në mënyrë që të mos habitemi si në vitin 1989 kur nuk e kuptonim se çfarë po ndodhte në botë”, tha Vuçiq.
